РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Анатоль Сыс
Вершы
Кантэкстны тлумачальны слоўнік
Рай
Самыя вясёлыя і галасістыя салаўі –
на вясковых могілках. Напэўна, таму,
што і днююць, і начуюць ня ў гнёздах,
а ў душах маіх спрахлых дзядоў. Яны ж,
як сьведчыць тутэйшы народ, былі
самымі жыцьцярадаснымі і жартаўлівымі
людзьмі на Палесьсі.
 
I бярозы тут самыя белыя...
Такія белыя, што ўначы здаюцца
прывідамі. Дзяды і нават божышчы
маіх дзядоў, як тварамі, так і думамі,
былі такімі ж сьветлымі.
 
I толькі жвір на вясковых могілках
калючы і цяжкі, калі прыходзіцца кідаць
свае тры жмені наўсьлед нябожчыку, як
самыя важныя словы, якія не пасьпеў
сказаць яму яшчэ учора.
 
Жыве старэнькая бабулька каля самых
могілак. Яна іх называе не інакш як
раем і ўсё часьцей і часьцей думае
пра яго. «Чаму?» – неяк запытаўся ў
яе. «Таму што ў пекле ўжо нажылася».
 
 
 
 
Падабаецца     Не падабаецца
2009–2020. Беларусь, Менск.