RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Natalla Arsieńnieva
Vieršy
Kantekstny tłumačalny słoŭnik
Charastvo
Łakam rožavym apyrskaŭ nieba viečar...
Ja –
      idu udal z panikłaj hałavoj.
Treba voŭčaje, dapraŭdy, mieć ža serca,
kab biaskłopatna
pić siańnia charastvo...
Stolki jedkaje biazhłuździcy naŭkoła,
stolki tajnicaŭ
piakučych i harkich,
što nat soramna vyšej uźniać nam hołaŭ,
krok žvaviej sypnuć
na šeryja šlachi...
Charastvo...
Antyčny śviet...
Sanet Piatrarki...
Nu a kroŭ,
trupoŭ hrymasy – heta što?
Jak śpiavać,
kałi achvota złosna harknuć
abo sercam braznuć z rospačaj
                                                                        ab tok?
Što z taho,
kałi j ćvituć zaroju viejki,
vodbłisk viečaru trapieča uvačču?
Dušyć,
                    dušyć nas smuhoj śłizkoj i klejkaj
zadaŭniony žal,
a lepšaha – nia čuć!
Ci adzin tut z nas
Kryviččynie pad nohi
ŭčora skinuŭ z pleč
apošni svoj ryzman?
Dziŭ,
          što hnie ciapier,
zachłystvaje tryvohaj
nas
      padziej i słoŭ burłivy urahan...
Dy
      nia dać jamu ŭsio ž rady iz narodam,
nie,
      nia źniščyć nas –
nikomu u žyćci.
Dyk čaho ž čakać niahodaŭ, ź piekła rodam?
Łakam rožavym –
nam viečar zihacić!
 
1943
 
 
 
 
Padabajecca     Nie padabajecca
2009–2020. Biełaruś, Miensk.