 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Nałiłasia daleč radaściaj zialonaj...
Navat dumki tyja – roj pčałiny zor –
ab viaśnie i soncy j sinim vietry zvoniać,
pachnuć załacistym miodam i vuzoj!
Rasčyniłi sercy my viaśnie narościež, –
chaj nudu sivuju vymiecie jak śled,
chaj apałić viečnaj piennaj maładościaj
našyja chacieńni
dyj lacić dalej!
Dzień jašče ci dziesiać –
i pialostkaŭ śniežnych
maj nasyple ŭ sieci jabłynnych sadoŭ,
vyjdzie śviet zavorvać bylnik na uźmiežžach,
vyhladać na runi soncavych śladoŭ!
Praŭda, nie adno nam daviałosia źnieści,
praŭda –
j naša siańnia ščaściem nie tutnić,
dy jašče tak chutka nie astynuć pieśni,
nie prystanuć sercy,
nie datlejuć dni!
Ech, čamu ž viaśnianym viełikodnym rańniem
nie siahnuć kryłami ŭ sonca, jak Ikar,
nie syści narešcie ź viečnaha rasstańnia,
z kryžavych darohaŭ
nam z taboj, naš kraj?
I čamu na hnutkich i piavučych strunach
novych puciavinaŭ, ściežak i daroh
nie pajści voś hetkim rańniem ciomnarunnym
rezać maršy žvavym, rezvym smykam noh!
1943
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
