RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Natalla Arsieńnieva
Vieršy
Kantekstny tłumačalny słoŭnik
O, rodny kraj!
Mnie viečar razharnuŭ purpurnyja bałony
viałiznaj bibłii,
jakuju zvać «žyćciom».
Jaje łistaju ja, a sonca dysk čyrvony
źbirajecca tym časam nauciok.
Nie zatrymać jaho,
jak nie strymać žadańniaŭ,
jak nie strymać hadzin i dzion,
što los daje.
Jašče časina, dźvie...
i z dna načy viaśnianaj
ustanie ćmiany son i šyju abvije.
I budzie spać,
chto spać jašče siahońnia ŭmieje,
i smačna hryźci sny, by jabłyk sakaŭny,
chaj ci adna biada jašče nad śvietam śpieje,
chaj i hudzie vakoł dziki pažar vajny.
Dziŭnyja nočy j dni my kidajem za plečy,
dziŭniejšyja jašče nam pryjdziecca spatkać.
I dobra!
Šmat kaho mo los i pakamiečyć,
dy siły nabiaruć i serca i ruka!
A siły treba nam,
mahutnaj,
čaraŭničaj,
kab vykuć śvietły los,
kab zło pieramahčy,
kab Niomanavu siń i Buh, i srebra Pcičy,
i vietły naš narod
jak ščaściu navučyć.
O, rodny kraj!
Druhi taki ci ž jość na śviecie,
ad sonca załaty, sivy ad tumanoŭ,
i bieły
i hustym, viasnovym, piennym viećciem,
i čystaju, jak śnieh,
dušoj tvaich synoŭ!
 
1944, Miensk.
 
 
 
 
Padabajecca     Nie padabajecca
2009–2020. Biełaruś, Miensk.