Załatoju miaciełicaj kružać łisty, dyvany załatyja pa vułicach ścielać. Nam, siabry, j na čužynie, vidać, nie astyć, nie pačucca starymi ni sercam, ni ciełam. Na źmiarkańni, kałi ab brusy kaminoŭ miesiac serp svoj stary i zazubleny hojstryć, kałi ciahnie usio da latunkaŭ, da snoŭ, – łičym my i dalej adno kroki dy viorsty. Naviłisia ŭžo tuha na špulu šlachi kryvičoŭ – našych prodkaŭ, baćkoŭ, nu, i našy, ale ŭściaž prad vačyma adno niebaschił, zory j dalečy ŭściaž nas i nadziać, i strašać. My ŭściaž vierym, što našyja ściežki ŭ tupik nie viaduć, tak uparta čakajem śvitańnia, – i jano raśćvicie, Kraj jaho nie zaśpić, ci ž darma stolki hod uzdychałasia: stańsia! Chaj sabie sivier treple šmatkami łiścia, j trepluć našymi sercami tut uspaminy. Jak łiścio: my ich kiniem u jmhłisty praściah, nie jany siańnia tvorać važkoje, a čyny. Najjaśniejšy ŭspamin – heta tolki ŭspamin, chaj sabie darahi, chaj upojny... Nam, vojam, što pa im, kałi los naš mudrejšy za sny, kałi kažnaja žyłka ŭ nas bjecca kryvioju, kałi nam i ŭ čužynie nijak nie astyć, nie pačucca starymi ni sercam, ni ciełam, choć i vosień užo, j załatyja łisty dyvany załatyja pa vułicach ścielać.
1944, Berłin.
|
|