RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Natalla Arsieńnieva
Vieršy
Kantekstny tłumačalny słoŭnik
Źvinić miadzianymi zvanami
Źvinić miadzianymi zvanami
nad hałavoj mietał łiścia...
A my
pytajemsia ŭ žyćcia –
varažbita,
što ž budzie z nami?
Kudy ciapier nas paviadzieš
ty, naš stary kryvicki Konie,
ci naša zmročnaje siahońnia
jšče źmieniš ty na jasny dzień?
Ci my u siniaje śvitańnie
jašče uźnimiem ź vieraj zrok?
Ci z pyłu kryžavych daroh
kałi na nohi mocna ŭstaniem?
Usio dalej, dalej, dalej,
dzieś u sivyja dalačyni,
spłyvaje ščaście...
Smazie čynu
ŭ hrudzioch, adnak, nie spapialeć.
Jana nia zhinie navat z nami,
bo ŭśled naščadki voźmuć ściah.
 
Zvani ž, zvani, mietał łiścia,
ŭhary miadzianymi zvanami!
 
1944, Berłin.
 
 
 
 
Padabajecca     Nie padabajecca
2009–2020. Biełaruś, Miensk.