RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Natalla Arsieńnieva
Vieršy
Kantekstny tłumačalny słoŭnik
Žyłi my j budziem žyć
Kałiś, byvała, ŭpotajki
asieńni suchaviej
žyvoju pazałotaju
krapiŭ z krapiła śviet.
Zaśviecić sonca – kapaje
jana, jak miod husty,
ź lasoŭ u žoŭtych łapinach,
z łahčynaŭ załatych.
A vyjdzieš za asiełicu –
pad nohi ŭsio huściej
čyrvonaja miaciełica
čyrvony śnieh miacie!
Ciapier –
                  staptany praviły:
słatoju vosień dźmie.
Viatry čužyn raspłaviłi
nat vosieńskuju miedź,
aščeryłi dni čornymi
zubami pažaryšč,
žyćcio z darohi tornaje
źviałi u huščary.
Ci ž dziŭ, što šeraj śniedziaju
parostaje nat vierš
i što i sam nia viedaješ –
žyvieš ci nie žyvieš?
Ale darma,
                        jšče połymia
nia zhasła u kryvi,
jašče rukami hołymi
my ščaście jmkniom łavić.
Choć siańnia ź im, niałaskavym,
i jdziom my na nažy,
choć vosień nas apłakvaje, –
žyłi my
                  j budziem žyć!
 
1944
 
 
 
 
Padabajecca     Nie padabajecca
2009–2020. Biełaruś, Miensk.