O, šypšyna maja, Biełaruś!
|
O, Biełaruś, maja šypšyna... #U.Duboŭka
Hraje luty na strunach zaviej dałikatnaje, smutnaje scherzo. Pačakaju, až znoŭ viesialej budzie trochi na sercy. Až zatłicca iznoŭ u kryvi chvalavańniaŭ błakitny ahieńčyk, až i ściuža, i dni biez navin šery čas svoj adjenčać. Až iznoŭ baraznoj pabryduć dni viasny u vadzie pa kaleni, až my skarby pačućciaŭ i dum znoŭ na słovy raźmienim... Ciopłych słoŭ hetych treba usim našym časam surovym i zbrojnym. Što ž ty śvietu siahońnia dasi, jak nia pieśniu, nia mroju? Jak prymusiš pavieryć svaich, što jašče raśćvicie naša dola, što nić ščaścia jšče budziem my vić pad kryvickaju rodnaju stolaj? Hraje luty na strunach sučča dałikatnaje, smutnaje scherzo... Nie, nia budu čakać, až maŭčać majo znudzicca serca. A udaru pa ciahłicach strun iz tuhoju, iź siłaj niačutaj: «O, šypšyna maja, Biełaruś, majo ščaście j pakuta!»
1945
|
|