Upiłiłasia ŭ serca radaść, a spytaŭsia b chaj chto – čaho? Mo tamu, što nad bielaj ladaŭ bieły, śniežny imknie vahoń? Mo tamu, što marozny viecier pył suzorny u tvar miacie, što ŭšyvajecca łipaŭ viećcie srebnaj ščeciaj usio huściej? Śniežań, śniežań, čaho ašukvać nas tut śviežaściaj, čyścinioj, nieparušnuju biel rassukvać na pačućciach, na śviežych pnioch, paścinanych błizu da korania isnavańniaŭ ludskich? Duša j tak u kažnaha pierahorana, pieraraniena... Cicha, ša... Upiłiłasia ŭ serca radaść, choć i znaju – usio mana. Mknie zavieja nad bielaj ladaŭ u niaŭchopnaje... Nie suniać... Zadzirasty, marozny viecier pył suzorny u tvar miacie, i ŭšyvajecca łipaŭ viećcie srebnaj ščeciaj usio huściej.
1945, Rehiensburh.
|
|