Шалее вецер... Плешчуць у далоні і скачуць «Крыжачка» й «Лявоніху» лісты. Рудыя... Залатыя... У палоне асеньніх песьняў, пэўна ж, залатых. I нешта і мяне ўзьнімае закруціцца, заплёўшы рукі – гнуткае гальлё – мяцеліцай асеньняю над ніцай імглою залатой пустых, рудых палёў. Але зашмат, відаць, я збаразьніла сьцежак жыцьцёвых, не рудых і ўжо ж не залатых, а шэрых ад штодзённасьці і... рэшты. Мне ў залатую высь ня ўзьняцца, як лісты.
1950–1952
|
|