RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Janka Kupała
Vieršy
Kantekstny tłumačalny słoŭnik
Pieśnia
Z narodnaj
Kab była ja pierapiołkaj,
          Kab ja volu mieła, –
Dzie b chacieła, palacieła,
          Doma b nie siadzieła.
 
Ci pa jahady ŭ bor ščyry,
          Tudy, za siałibki,
Ci ŭ les ciomny pa arechi,
          Dzie laščeŭnik hibki.
 
Ci ŭ zialony łuh, dzie rečka
          Ŭjecca i laleje,
Pa kałinu pa čyrvonu,
          Što ŭ tym łuzie śpieje.
 
Oj, nia być mnie pierapiołkaj,
          Krylejkaŭ nia mieci,
Ni ŭ bor ščyry, ni ŭ les ciomny
          Mnie nie dalacieci!
 
Najharčejšyja u łuzie
          Jahady kałiny,
Najciažejšaja na słužbie
          Dola u dziaŭčyny.
 
Jak ja vyjdu, maładzieńka,
          Za varoty ŭ pole,
Pałijucca sami ślozy
          Ź ciažańkaj niadołi.
 
Oj, kryvava pałijucca
          Maje horki ślozy,
By rasica ŭ letniu nočku
          Ź bieleńkaj biarozy.
 
Płačuć vočy viek da vieku
          Doma i na połi –
Nie pa dobrym čałavieku,
          A pa dobraj vołi.
 
[1913]
 
 
 
 
Padabajecca     Nie padabajecca
2009–2020. Biełaruś, Miensk.