Ён і работнік грамадзянскі, Мужыцкі пан і служка панскі, I антыквар, і археоляг, I бібліёляг, і філёляг, I быў бы слаўным ён зусім, Каб быў чым-колечы адным. * То беларус, то палячок, А чым папраўдзе – не згадаць. Паслухай, гладкі панічок: Пашто так скурай гандляваць? * Ў кавярні водзіць рэй і лад. Бывач яе заўсёдны, шчыры, Сатыры піша там на ўсіх, А сам – сьмяшнейшы ад сатыры. * Варшаўскіх брукаў марны франт, Пусты на словах, хлюст, педант, На дзеле – невук, дылетант, А як паэта – ў прэйскурант Гадзісься толькі, мой ты франт.
1913
|
|