Маё цярпеньне, мой крывавы боль – Што значаць перад мукамі мільёнаў, Дзе безнадзейны стогны родзяць стогны, А сьлёзы грызуць вочы ўсім, як соль! Хоць дух мой ўзносіцца пад неба столь, – Як галавой аб мур, там б'е паклоны. Але як мал мой гэты ўздых шалёны... Мой крык перад малітвай сьвету – ноль! І веру я, што я нішто ў быцьці – Іначай думаць не дае сумленьне, – Аднак чаму ж здаецца мне нязьменьне, Што меж майму цярпеньню не знайсьці, Што так вяліка мне яно ў жыцьці, Як міліёнаў разам ўсіх цярпеньне!
1915
|
|