РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Не судзіла доля
Не судзіла ты мне, доля,
Быці рэчкай сярод скалаў,
У якой яна бы вочкі
На паранку умывала.
 
Не судзіла ты мне, доля,
Быці сонцам над крыніцай,
У якім яна б сушыла
Ад сьлёз беленькае ліца.
 
Не судзіла ты мне, доля,
Быці ветрам з-пад нябёсаў,
Аб які яна б часала,
Заплятала свае косы.
 
Не судзіла ты мне, доля,
Быці птушкай у садочку,
Да якой яна б паслухаць
Песьню выйшла зь церамочку.
 
Не судзіла ты мне, доля,
Хоць далёкай зоркай быці,
На яку яна б зірнула
Мо' хоць раз, хоць раз у жыцьці.
 
1915
 
 
 
 
Падабаецца     Не падабаецца
2009–2019. Беларусь, Менск.