Jon joj prysłaŭ učora łist: «Kapaje ŭściaž... žurba staraja. Adno, što žoŭtyja łisty źviniać i kružacca nad hajem... A tak... usio, jak i było... Papuchłi ruki, jeści mała, dy front błižej. I śmiech i złość – vidać, iznoŭ masty papalać! Ale nia čas adno čakać, ci chutka śmierć piaskom pryhornie. Imknie pavodkaju raka padziejaŭ, dzion... Znoŭ budzie zorna. A jak jana?» Nuda, nuda... Lepš dačytaje łist urańni. Hady paśpiełi zahajdać nat serca... što było – nia ŭstanie. A što hałodny... I jana ž... Štodnia niščymnyja łupiny. (Nat i ab ich časami śniać paznačanyja «Ostam» śpiny...) Huduć... Iznoŭ huduć hudki, i tupat noh až bje u ścieny. Chutčej dabiehčy b da śłizkich i čornych nor, sahnuć kaleni, i pachinucca, i maŭčać, až nie pramčycca navalnica. Jak jon pisaŭ? «Nia čas, nia čas, adno schilacca i małicca». A huł užo nad hałavoj, jon uvuššu, u ścierpłym ciele... Huduć čmiałi... piaje žnivo pad sierpam maci, žmieni ściele... Tam... na akopach... zol... słata... Što?! Ŭsio dryžyć, nat zory, zory... I ŭžo nia ŭdasca dačytać niedačytanaje učora.
1944–1952
|
|