U Sakavikovyja ŭhodki
Ja viedaju najlepš, jak na vyhnańni kosić tuha naš hart, ale ž tuha – adno źviano. Pa vosieni strasać łisty nia pryjdzie vosień, nia laža pa načy ŭ łahčyny noč iznoŭ. Na ščaście, ŭsio ŭ žyćci minaje: tlejuć ery, jržaviejuć smaha j bol, dapalvajecca zło, kab u suchim łiści, u papiałiščach šerych nanova hodu hod załomłivaŭ załom. Nas doŭha los kasiŭ... My chodałisia z dolaj, staŭlałi ŭzdoŭž usich daroh ziamłi kryžy, kachałi Rodny Kraj, chto kolki j jak adoleŭ, žyłi, kab pamirać, išłi na śmierć, kab žyć. I čara našych dzion, ja dumaju, nałita harkim vinom biady błizu pa bierahi. Para, praviečny Kon, pakryć kamiennaj płitaj kryvavyja hady, skazać niapraŭdzie: «Zhiń!» Nia pojdziem, a pamkniom Pahoniaju niastrymnaj z Taboj my ŭsie ŭ praściah zasieki raskidać. Ci mała vykrasiać padkovy iskraŭ, himnaŭ, a sercy radaści? Pašłi nam tolki, daj miačy i vočy ŭźniać, raskinuć prahna kryły, pačuć u žyłach var haračaje kryvi! Daj vieru u Ciabie, ŭ siabie, u našy siły, darma, što skroź dryhva, viarni nam Sakavik! Nia vypuściać Jaho, nia zhubiać bolš dałoni, kab vočy płakałi z tuhoj, baluča: «Dzie ž?» Daj, dobry Kon, iznoŭ viaśnie, viaśnie zialonaj abvieścić siańnia nam: «Uskresła i žyvie!»
1952
|
|