RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Natalla Arsieńnieva
Vieršy
Kantekstny tłumačalny słoŭnik
Imkni, paet!
Jašče nia znojdzieny žyvymi
natchnionaj pieśni ideał.
Imkni ž, paet,
                              raźłisia ŭ himnach!
Dziŭny, śviaty ci čuješ pał?
Niachaj u takt tvaich suhuččaŭ
i nie traplaje siańnia śviet,
imkni!
          Ci ž raz
                              adzin
                                          nad kručaj
tvaryŭ ty ŭžo svoj zapaviet?
Ci ž raz u biełaj poŭni roskvit
ty vierš, pa słovie słova, kuŭ,
ci raz ahoń raspalvaŭ Boski
u ciele z hłiny i piasku?
Imkni!
            Ci ž sum ahnistym džhałam
ciabie nia džhaje da kryvi?
Ci mo jašče tabie zamała
u našaj movie słoŭ žyvych?
Ich šmat, jak zor, jak zierniaŭ žviru
na srebnych plosach našych rek.
Vučy ž prystałych dychać šyraj,
šuhać, za Rodny Kraj hareć!
Imkni!
            Łavi ŭ kryłatym locie
čar słoŭ, što jmhłoju rastaje...
Chaj znaje śviet:
                                  z usich śmiarotnych
ich dakranuŭ adno paet!
 
1944–1954
 
 
 
 
Padabajecca     Nie padabajecca
2009–2020. Biełaruś, Miensk.