– Oj, viasna krasna,
što ty nam pryniasła...
#Biełaruskaja narodnaja pieśnia
Jačmiennym aściukom u vočy kole dzień.
(Ci ž dziva?
Ad Pakroŭ – niasporny morak chaty.)
Dzień hetki załaty i ŭ soncy, i ŭ vadzie,
i ŭ radaści, ściarožaju pryciataj:
zdajecca, za paroh –
i apiače ahniom
kareły, šery śviet, prytresieny sałomaj.
Dy – viecier viesnavy kačajecca kulniom
pa vułcy, j niečy śmiech sam syplecca ŭ dałoni.
Časina – j navakoł viasioły bosy hurt...
Mčać treski-čaŭnaki iź piennaj ručainaj
tudy, dzie vierby bieraham kudyś biahuć
iz kryhami ŭ niačesanych čuprynach...
I hetkaj zyrčynioj raśćviečany j jany,
i strechi, j vierabi, j dziatvy krykłivaj zhraja,
što, nie stryvaŭšy ščasnaści viasny,
dachaty, płačučy, idzie małaja...
1954
|
|
