Oj, žała ž ja da viečara,
Bałić maja siaredzinka...
#Biełaruskaja žniŭnaja pieśnia
Maŭlaŭ toj žytni snop, ucisnuła śpiakota
piareviasłam tuhim raściahły dalahlad...
Kusaje łytki tonkija asot łaskotny,
i ŭ žmieńku drobnuju utorknuŭ sierp Illa.
Niasporna praca jdzie... Irdzianiacca kryviana
małyja palcy, tvar, siaredzina smyłić,
i uvačču płyvuć, kulajučysia pjana
ŭ płaŭkoj haračyni, piaščanyja pałi.
Da południa – hady, a pachnie łusta chleba
i kvas u hładyšy – sałodka ŭžo ciapier.
I mroicca łuka – raka ŭ zialonym zrebi
karuzłych vierbałoz i vodarny ajer...
Haryć ahniom lazo siarpa ŭ radkoj sałomie.
Kładucca za plačmi snapy... snapy... snapy...
Piareviasłam tuhim ucisnuŭšy, pałonić
śpiakota dalahlad, zamleły i ślapy...
1954
|
|
