Ćvicie mahnołija... Miljony matyloŭ, bialejšyja za śviet, trapiečuć na hałinach. Zamierła ŭ pieščach biełych krył hallo, sałodkaj młosnaści na bruk nia skinie. Jon čorny i brydki, jak pobač, zrešty, ŭsio, dy bjuć, by ŭ bubna dno, ŭ jaho ludskija nohi pa hodzie hod... Aploŭ, abłytaŭ, jak drasion, toj hud nia tolki bruk, ale j chacieńni, zmohu. A ŭsio-tki, za śniahi bialejšaja, uściaž, ledź krasavik, ćvicie mahnołija pad muram. Žaleznaj lohiki adviečnaha žyćcia ništo, vidać, što ludskaje, – nia zburyć. Nu, a pa mnie – usio, jak jość i maje być. Malenstva... viosny... vosieni... mahilnik... Siaŭba biaz žnivaŭ... Žnivy bieź siaŭby... Uzvyššy ŭściešnyja... Tuha, jakoj nia vyłić... Ja dziakuju tabie za ŭsich, za ŭsio, moj kon, choć mo j niazvykły ty cichoj ludskoj padziaki. Pajdu... dy viedaj – reštu sinich dzion maich dapju ja ŭsio ž iz smakam!
1954
|
|