Канала пад нудным сьнегам ліхтарні намоклай, млоснай, яна, залатая кунега йшчэ ўчора, канала восень, цягнула бязьлістыя рукі у сьцень, размываны імглою, шукала лістоў – адхукаць каб матчынаю тугою. Але адляцелі дзеці, ляглі, дзе засьпела доля: на ходзішчы, ў шэрай шчэці ламанага ветрам гольля, парваныя на рызманьне, расьпятыя на каменьні, а ўсё – для пустога зману, асеньняга зьзяньня жмені. Мы гэтак іх судзім, людзі, лісты ж... нат пад нашым ботам мо радасьць нялюдскую студзяць адзінага ў неба ўзьлёту.
1963
|
|