 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Збалелыя грудзі
Занылі ад болю‚
Слязьмі затуманіла вочы;
Варожыя людзі‚
Зьнішчаючы волю‚
Пануюць над Краем‚ як хочуць.
Над ціхаю кручай
Пад ліпай шырокай‚
Дзе зь мілай сядзеў аж да раньня‚
Праз сьлёзы гаручы
У болі глыбокім
Угрунь адцьвітае каханьне.
Гляджу я ў вакенца
З падвала сырога;
Пяюць салаўі на прадвесьні‚
А ў душу ліецца
Каханьне... трывога...
Як любы вы‚ родныя песьні!
І лёгкія мары
Лунаюць да зораў
Пад сіні блакіт Беларусі.
Ніякія кары‚
Ніякая гора
Зрачыся Радзімы ня змусіць.
Слуцкі астрог, 1921
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
