 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Ў парку, пад ліхтарамі
Клічуць агні да вітрын:
«Палёт дагары нагамі!
Тры рублі за дзесяць хвілін».
Прывязаныя як трэба,
Пад крыкі дзяўчат і друзей
Людзі ў чорнае неба
Лятуць па стромай дузе.
Штодзённа ў змроку пахмурным,
Звысок аглядаючы сьвет,
Ў касу прыходзіць дурань,
Важна купляе білет.
І выкладае паважна
Схоўшчыку ў мяккі кулак
Грошы ў тугім бумажніку,
Пропуск і партабак.
І выкладае ў прыдачу
Дзесяць ключоў да ўсяго:
Ключ ад машыны, ад дачы,
Ключ ад сэрца свайго.
З годна падціснутым ротам
Ў неба ўзьлятае цень.
Дзесяць мінут палёту:
Хопіць на цэлы дзень.
Ў зорным касьмічным пыле
Боўтае пяткамі ён,
І за сьпіной, як крылы,
Драпавы палітон.
Па-над зіхоткім і хмурым
Горадам дзіўнай красы
Горды лятаючы дурань
Проста ў хмарах вісіць.
3.VІІ.1960. Ворша.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
