Nia vieru idałam pahanym, Što vyrazajuć raźbiary, Bažkam nia vieru malavanym, Što mažuć farbaj malary. Nia vieru kuplenym prarokam, Što z kazalnic za hrošy łhuć I sočać prahavitym vokam, Skul bolš čyrvoncaŭ im niasuć. Nia vieru ŭ fokuśnikaŭ cudy Usich narodaŭ i viakoŭ, Što ŭ chod puskajuć chitra ŭsiudy Tuman na ciomnych ślepakoŭ. Nia vieru ŭ kamienny bahoŭni, U ludskoj aśvienčany kryvi, Dzie tolki viažuć, by ŭ pryhonie, Žyvomu duchu łancuhi. Ni za jakuju płatu, mieru Nia damsia hetaj varažbie... Ŭ narod i kraj svoj tolki vieru I vieru ŭ samaho siabie.
[1918]
|
|