RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Janka Kupała
Vieršy
Kantekstny tłumačalny słoŭnik
A ziaziulka kukavała...
Jak na śviet radziŭsia Janka,
Jak zapłakaŭ mnoha-mała, –
Pieła maci nad kałyskaj,
A ziaziulka kukavała:
      Ku-ku, ku-ku, kiń dakuku!
      Śpi, sakołik! Ku-ku, ku-ku!
 
Jak padros, padniaŭsia Janka,
Jak haniać staŭ ŭ pole stała, –
Na žalejcy hraŭ dzień ceły,
A ziaziulka kukavała:
      Ku-ku, ku-ku, kiń dakuku!
      Pasi, statak! Ku-ku, ku-ku!
 
Jak viałikim vyras Janka,
Jak staŭ siejać ščyra, dbała, –
Za siaŭboju pieŭ ab dołi,
A ziaziulka kukavała:
      Ku-ku, ku-ku, kiń dakuku!
      Siej paletak! Ku-ku, ku-ku!
 
Jak ni siejaŭ pilna Janka, –
Ŭsio čahości nie stavała:
Janka siejaŭ – ludzi žałi.
A ziaziulka kukavała:
      Ku-ku, ku-ku, kiń dakuku!
      Žaci budzieš! Ku-ku, ku-ku!
 
Jak starym-starym staŭ Janka,
Jak pazbyŭsia siły ŭdałaj, –
Baiŭ bajki-kazki ŭnukam,
A ziaziulka kukavała:
      Ku-ku, ku-ku, kiń dakuku!
      Hodzie baić! Ku-ku, ku-ku!
 
Jak chavałi ludzi Janku, –
Hałasiłi mnoha-mała;  .
– A našto ž pamior ty, siejbit!..
A ziaziulka kukavała:
      Ku-ku, ku-ku, kiń dakuku!
      Śpi, sakołik! Ku-ku, ku-ku!
 
1921
 
 
 
 
Padabajecca     Nie padabajecca
2009–2020. Biełaruś, Miensk.