U piatnaccatuju hadavinu jaho ščyraj
piaśniarskaj pracy na karyść
biełaruskaha pracoŭnaha ludu
Mnoha pola z dobraj dolaj,
Nieščaśłiva i ščaśłiva,
Pralacieŭ ty, moj sakole,
Pa-nad rodnaj našaj nivaj.
U śvitańnie, u pradvieśnie,
Ź niepamiernaj hordaj siłaj
Pieła bura tabie pieśni,
Dumki burnyja budziła.
I maćniełi tvaje krylłi,
I maćnieŭ duch nieŭhamonny,
A viasiołki šlach sačyłi,
A małanki słałi ŭkłony.
Jasnaj zorkaj z-pad abłokaŭ
Aziraješ puciavinu,
Pa jakoj ty nienarokam
Mknuŭsia k soncu biez upynu.
Niknuć čary ŭ poru hetu.
Z voč spadaje aślapleńnie,
I zakony piša śvietu
Ludskaj praŭdy vyzvaleńnie.
Hej, laci, sakole, dalej
Pa-nad bujnaj Biełarusiaj!
Nie spyniajsia ŭ viekaŭ dałi
I nia hnisia, jak nia hnuŭsia!
1923
|
|
