РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
*  *  *
Дарога такая,
                            што мала веры,
Гарантыі болей –
                                      трымацца аберуч.
Якая дарога,
                            такі і аўтобус,
Ды лепш дрэнна ехаць,
                                                  чым добра топаць.
Заняты
                кожны сваім
                                            пасажыры:
Хто дэтэктывам,
                                  хто – булкай з сырам.
Ды ўперадзе –
                                раптам! –
                                                      на ўсю дарогу
Месяц заняўся
                                  вялізным стогам.
Стог загарэўся,
                                  палае на ўзгорку.
Вунь
            пакацілася
                                    іскрай зорка.
Змоўклі кпіны,
                                змоўклі жарты.
Вачэй ня зводзіць
                                      ніхто з пажару...
Шпіён ня злоўлены,
                                          сыр ня зьедзены, –
Глядзяць на поўню,
                                          як на агледзінах
На маладую
                          радня жаніхова.
I больш ні гуку,
                                  і больш ні слова...
Мяняюцца
                        самыя хмурыя
                                                      мейсцамі –
Хочацца ўсім
                              быць бліжэй да Месяца.
 
 
 
 
Падабаецца     Не падабаецца
2009–2019. Беларусь, Менск.