РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
*  *  *
Раённыя аэрадромы –
Заложнікі неба пагоднага...
Паветраныя паромы
Надхмар'е зьлянела пагойдвае.
Высока ўзьлятаюць стракозы –
З аэрафлотам дражняцца.
Пасуцца бязрогія козы –
Каровы малалітражныя.
Раённыя аэрадромы.
Мокнуць спакойна дровы,
Запашаныя самой
Дыспэтчаркай строгай
Зімой.
Дзядзька гасьцей праводзіць,
Валачэ чамадан з «данінаю».
Пахне яблыкамі пад восень.
Зазімкамі – сьвежанінаю...
Кабета цярэбіць касынку
(Адразу не супакоісься),
Ляціць на хрэсьбіны к сыну,
Уніз пазірае з боязьзю.
Воблакі, як успаміны...
Матор, як конік, пілікае...
...Самалёт з той паляны сына
Вёз на «зямлю вялікую»...
 
 
 
 
Падабаецца     Не падабаецца
2009–2019. Беларусь, Менск.