RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Ryhor Baradulin
Vieršy
Kantekstny tłumačalny słoŭnik
*  *  *
Vyrastuć –
I raźlatucca pa śviecie.
Spraŭ majuć bahata,
Zaniaty dzieci!
– A maci pracuje?
Spahadvajuć dzieci:
– Staraja ŭžo... tupaje kala chaty.
...Haściej prymaje,
Sa stała prymaje.
Da stała ad piečy –
Daroha pramaja!
Biaz kłopatu sumna.
I tak, dla ŭciechi,
Niańčyć unukaŭ,
Połić lechi.
Bulbu kapaje,
Sušyć hryby.
Tupaje,
Viesialej aby!..
Spać mnoha nia lubić –
Daŭhija nočy.
Dy tolki ździviacca
Dzieci adnojčy,
Što niečakana navałicca praca,
Što raptam treba
Z rasoj padymacca –
Daić karovu,
U piečy pałić,
Vysušyć drovy,
Hurki pałić...
Ručnik kareły,
Panura ŭ chacie –
Zachvareła
Staraja maci...
 
 
 
 
Padabajecca     Nie padabajecca
2009–2019. Biełaruś, Miensk.