РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
*  *  *

Кайсыну Куліеву

 
Няма народаў малых –
Бываюць малыя паэты.
 
Паэт – неспакою слых:
Ён чуе травінкі ўскалых
I грукат сэрца планэты.
 
Будзь сынам у шчасьці й журбе,
Хай шчодрыцца сьціплая праца,
Хай зайздрасьць душу не шкрабе, –
Народу сплаці, што табе
Дазволіў паэтам назвацца!
 
Залётнага ветру павеў
Ня ўхмарыць крамянага лета.
Скептыка выпалі, гнеў, –
Каб вывучыць мову схацеў
I думаў на мове паэта!
 
Паэтава ймя нездарма
Край носіць, паэтам апеты.
А песьня ня носіць ярма.
 
Народаў малых няма!
Бываюць малыя паэты...
 
 
 
 
Падабаецца     Не падабаецца
2009–2019. Беларусь, Менск.