РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
Пад восеньскім набам
Востры локаць выраю –
Востры боль.
Лес яшчэ задзіраю –
Хвост трубой.
 
З восеньню адносіны
Так сабе.
Хмар перапалосіны
Шпак саб'е.
 
Небасхіл, плячыма хоць
Шавялі.
Сталі немагчымыя
Шчамялі.
 
Ходзіць ненажэраю
Ветравей.
Неба, бросьняй шэраю
Не травей!
 
Чым цябе, высокае,
Ацаліш?
А вавёрка цокае:
«Цот ці ліш?..»
 
 
 
 
Падабаецца     Не падабаецца
2009–2019. Беларусь, Менск.