РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
Чалавек

Міхаілу Герчыку

 
Ня хлеба кус
I сала шмат,
А сэнс ядра зямнога
Разгрызьці трэба акурат,
Спраў шмат,
Турбот замнога:
 
Чарэпаць золата і гразь,
За д’ябла і за Бога,
За ўсіх адказным быць,
Іграць
Яшчэ сябе самога.
 
Нябыт пільнуе кожны міг,
I шчэрыцца зьнямога.
Усё ён ведае і ўсіх,
Апроч
              сябе самога!
 
 
 
 
Падабаецца     Не падабаецца
2009–2019. Беларусь, Менск.