РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
Табе
Журбе ня скажаш: «Згінь!»
Яна адчаю рада.
Ты – зьніклівая плынь,
Жаданая, як здрада.
 
Май літасьць,
Напамін, –
Гады не перагортвай.
 
Ты – плынь,
А я – палын,
Ад смутку перагорклы.
 
Як раніцы –
Глыну.
Надзея не пакіне:
Сівому палыну
На міг
Адбіцца ў плыні...
 
 
 
 
Падабаецца     Не падабаецца
2009–2019. Беларусь, Менск.