Ляці са сваімі гадамі,
Пільнуйся сваёй чарады:
Ускрыліць і паспагадае,
Заслоніць свая ад бяды.
Няхай маладыя чароды
Іначаць і шлях, і прыбой,
Твой вырай і шлях твой –
Чароўныя,
Адкрытыя толькі табой.
Ні белай варонай між чорных,
Ні чорнай між белых гусей
Ня будзь на разорынах зорных
Ні ў сьпёку, ані ў грыбасей.
Каб юныя не гагаталі
Зь цябе над захмарнай градой,
Лунай
Са сваімі гадамі,
Зьнікай
Са сваёй чарадой.
|
|
