Хат болей, чым людзей. Цямнее вечарамі, I ціхі ўецца ўраньні Дым з комінаў радзей. Гальлём жыцьця да дна Пазагаціўшы гаці, Дасюль у кожнай хаце Яшчэ жыве вайна. Жывыя вочы хат Глядзяць праз пальцы дошчак, Як скача босы дожджык Па лехах наўздагад. I хаты ў бабылі Пайшлі б, Ды моцна гэтак Двароў, Хлявоў, Паветак Трымаюць хатулі. А галасы надзей У даўнім перапудзе Гукаюць: – Дзе вы, людзі?! Хат болей, чым людзей.
|
|