РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Франьцішак Багушэвіч
Вершы
Кантэкстны тлумачальны слоўнік
Песьня
Весяліся, рві з капыта,
Бо шанцуе балазе;
Як ня стане ў сьвірне жыта, –
Мельнік мукі падвязе!
 
      Пан заплаце за работу,
      А накорме ласа жыд:
      Танцуй сабе хоць да поту,
      Пій гарэлку на крадыт...
 
Каса скосе санажатку,
Шнур сама саха згарэ;
Танцуй сабе да упадку,
Танцуй, покі смык дзярэ!
 
      Барана ўсё завалоча,
      А пасее вецер сам;
      Няхай пекліцца хто хоча,
      А ты сьпявай: «тра-та-там...»
 
Ёсьць сякерка – будуць дровы,
Намалоце і сам цэп...
Выпій, выпій, будзь здаровы!..
«А б ы  г у б а  –  б у д з е  х л е б».
 
      Конь адбудзе і падводу,
      Напасецца дасыта,
      Ты ж сьвяткуй сваю свабоду,
      Сьпявай сабе «тра-та-та»!
 
Кінь журыцца, гаспадарыць,
Зямля родзе і бяз нас,
Лепей вальцу давай жарыць:
На работу будзе час!
 
      Пан заплаце за работу,
      А накорме ласа жыд, –
      Танцуй сабе хоць да поту,
      Пій гарэлку на крадыт!
 
 
 
 
Падабаецца     Не падабаецца
2009–2019. Беларусь, Менск.