РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Тодар Кляшторны
Вершы
Кантэкстны тлумачальны слоўнік
*  *  *
Белыя паляны, белыя гаі...
Пчолы ледзяныя круцяцца ў гальлі,
 
Кружацца раямі, сыплюцца на дол,
Апушылі хвоек срэбраны прыпол.
 
А з-за лесу-гаю скача па лугах
Хтосьці незнаёмы ў ледзяных санях.
 
Зь сіняватых даляў, зь сіняватай цьмы,
Хтосьці навявае залатыя сны.
 
Хай галосяць ветры ў цемені начной;
Сядзем, дарагая, пасядзім з табой.
 
Раскажы мне шчыра, праўду раскажы,
Хто ў чароўных вочах зоры патушыў?!
 
Хто замёў сьнягамі у душы вясну?
Сэрца хто параніў – вымеў цеплыню?!
 
Хто расьпяў з каханьнем сэрца на крыжы, –
Раскажы мне праўду, – любая, скажы?!
 
I маўчаць пацёмкі... любая маўчыць...
Ледзянеюць словы, і душа баліць...
 
Белыя паляны, белыя гаі...
Пчолы ледзяныя круцяцца ў гальлі,
 
I мярцьвеюць крокі між сівых завей;
Прытуліся бліжай, сэрца абагрэй...
 
 
 
 
Падабаецца     Не падабаецца
2009–2022. Беларусь, Менск.