 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Завечарылася бярозавая просінь,
У далях вечар дым пераліваў.
А Млечны шлях
На сіняватых плёсах
Заранкамі дарогу вышываў.
Мне марыцца:
Нібыта тэй дарогай
З адвечнасьці вярнуліся гады...
Я не паэт,
А хлопчык басаногі –
За рубяжамі сьвет і гарады.
Нібы з туманаў выплыла паданьне
Пра гэта возера,
Як сьведку дзіва-дзей;
Я ўспамінаю першае каханьне
I першы хмель разбураных надзей.
З тае пары я шмат перамяніўся
(Цьвітуць да часу ў жыце васількі),
О, вечар, вечар,
Што завечарыўся?
Куды сплылі ружовыя вянкі?!
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
