Мне па душы глухія пушчы, Лістоты замець на дварэ. Я непрыручанаю птушкай Жыву між сполахаў і дрэў. Каторы дзень настрой губляю I зноў па-новаму люблю. Бягу, гукаю, выглядаю, Шукаю, думаю, ня сплю. О, людзі! – Вечныя пытаньні, Вытокі мудрасьці і зла. Нясу ў сваё сьвятое раньне Любоў і гнеў на паўкрыла. Мяне ў палёце не скарылі. А будзе што ня так – малю: Скруціце стомленае крыльле I кіньце ў родную ральлю.
|
|