РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Яўгенія Янішчыц
Вершы
Кантэкстны тлумачальны слоўнік
*  *  *
«Чысьціні...
Адкрыцьця...
Дабраты...»
Голас продка прарос зь нематы.
Захлынаюцца ў гуле вякоў
Тайна гукаў і музыка слоў.
Чысьціні...
Адкрыцьця...
Хараства...
Нам яшчэ з гэтых слоў вырастаць.
Адчужэньне,
I здрада,
I страх
Паляваньне вядуць давідна.
Палымнелі на смольных кастрах
Адкрыцьцё,
Дабрата,
Чысьціня.
Праз глухія стагоддзі жыцьця –
Чысьціні,
Дабраты,
Адкрыцьця.
«Адкрыцьця!
Дабраты,
Чысьціні!..»
Паўтараюць ля ног камяні...
 
 
 
 
Падабаецца     Не падабаецца
2009–2020. Беларусь, Менск.