РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Яўгенія Янішчыц
Вершы
Кантэкстны тлумачальны слоўнік
*  *  *
Там лістапады выпалі,
Там выплылі плыты
I зоры воду выпілі
З азёраў залатых.
 
I зноў лячу дадому я,
I ўжо на схіле дня
Мне штось даўно вядомае
Сьпявае цішыня.
 
I адчуваю вечнае
У мове нематы –
Зьвіняць лугі надрэчныя,
Шапочуць чараты.
 
Як нейкі дар, як пошліну
Лаўлю наперабой
Тугі лісты апошнія
Асеньняй галавой.
 
 
 
 
Падабаецца     Не падабаецца
2009–2020. Беларусь, Менск.