 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Не шукаю гаманлівай славы
I вучуся сьціпласьці ў кабет.
Для мяне з лугоў надрэчных травы
Лепшы ў сьвеце вынесьлі букет.
Сонца зачапілася за стрэхі,
Акрапіла мёдам верасы...
«Я люблю-ю!» – панесла
ўдалеч рэха.
«Я люблю-ю!» – азваліся лясы.
«Я люблю-ю!» – пацьвердзілі дубровы,
Сьветлыя, як лебедзя крыло.
I для песьні падказала словы
Роднае палескае сяло.
У грудзёх прачнулася натхненьне.
I дыханьне заняло.
«Люблю-ю!»
I душа, як чуйнае карэньне,
Зноў адчула родную зямлю...
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
