РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Яўгенія Янішчыц
Вершы
Кантэкстны тлумачальны слоўнік
*  *  *
Не абаб’ю чужых парогаў –
I свой яшчэ высок паркан.
Яшчэ сялянская дарога
Не завяла мяне у зман.
 
З пагоста, зь бітага гасьцінца
Тут не мыляліся зь вякоў
Льняная доля пехацінца
I песьня шчодрых землякоў.
 
Рамонкавая вязь кіліма,
Пчапіны рой высокіх зор.
Тут і сьляпы ня пройдзе міма
Ля гэтых пушчаў і вазёр.
 
На труднай ніве хваляваньня
Адвечны сьпеліцца мой сказ.
I для свабоднага гучаньня
Не выбіраю пышных фраз.
 
 
 
 
Падабаецца     Не падабаецца
2009–2020. Беларусь, Менск.