 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Зьбіраў у торбачку харчы.
Касіў упарта луг мядовы.
I нот ніколі не вучыў –
Іграў на слых беспамылкова.
І не было яму калі
Ўнікаць у шумны век прагрэсу.
Такая музыка ў зямлі –
У ручая, у зор, у лесу.
А што ж галоўнае ў жыцьці?
Сьцяпан іграў у новым клубе,
Інтэлігентна хлеб расьціў,
Інтэлігентна дом галубіў.
Бывае ў мар такі уздым,
Калі жыве ў душы сьвітаньне.
I чую я Сьцяпанаў гімн
Жыцьцю, былінцы і каханьню.
Як грунт, цьвярдыя мазалі
I боль у сэрцы несхаваны...
Інтэлігенты ад зямлі –
Мае вясковыя Сьцяпаны.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
