РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Яўгенія Янішчыц
Вершы
Кантэкстны тлумачальны слоўнік
*  *  *
Вось мой паром туманны,
                                                          і узгорак,
I нітачка сыпчастага дажджу.
Пакуль яшчэ ня высьпела
                                                          на сорак –
Я ў маладых і молада хаджу.
 
Я новы дзень люблю да кожнай
                                                                      рыскі,
Хоць знаю працу катаржнай
                                                              начы,
Хоць порсткі графаман,
                                                    што кот сібірскі,
Мяне паляпаць можа па плячы;
 
Хоць недарэка можа пасьмяяцца
I можа падкузьміць мяне ліхвяр.
А мне няма прад кім стаяць
                                                              на пальцах,
А мне заўжды любіць адкрыты
                                                                      твар.
 
Пакуль яшчэ ня высьпела
                                                          на сорак –
Мне молада. Астатняе – затым.
Вось мой прытул рабочы,
                                                          як пагорак,
Пад хмараю. I промнем залатым.
 
 
 
 
Падабаецца     Не падабаецца
2009–2020. Беларусь, Менск.