РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Яўгенія Янішчыц
Вершы
Кантэкстны тлумачальны слоўнік
*  *  *
Ці ўспомніцца, ці ўспомніцца
Рака і жоўты плёс?
Мяне, нібы палоньніцу,
Ты цераз кладку нёс.
 
Я з рук не выбівалася
З тваіх,
              далёкі мой.
Ці то вады баялася,
Ці цемрадзі начной.
 
...Сплыла вада глыбокая
З рачнога рукава.
Заблытана высокая
Салодкая трава.
 
Там я была ўлюбёная,
Натхнёная тады,
Як чарачка разгонная,
Як вецер малады!
 
 
 
 
Падабаецца     Не падабаецца
2009–2020. Беларусь, Менск.