РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Яўгенія Янішчыц
Вершы
Кантэкстны тлумачальны слоўнік
*  *  *
То цёмны бор, то рэдзенькі лясочак,
То – залатога поля абалонь.
Спалі мяне, як чарнавы лісточак,
Але й тады ўваскрэсну праз агонь.
 
Не пасьпяшай падаць на разьвітаньне
Руку.
          О як трывожна час ляціць!
Дэпрэсія дыханьня ці сьвітаньня?
Да вечара – ці доліла дажыць?
 
Я ўжо адчайна праганяю стому,
З дажджу сьляпога вобраз твой ляплю.
Табе, мой боль, табе – і больш нікому! –
Я й перад сьмерцю вымаўлю: люблю.
 
 
 
 
Падабаецца     Не падабаецца
2009–2020. Беларусь, Менск.