РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Яўгенія Янішчыц
Вершы
Кантэкстны тлумачальны слоўнік
Начлежнікі
Хлякоча юшка ў чыгунку,
Касьцёр разьятрана ляскоча.
Плывём з табой у чаўнаку
Вясёлай і ўлюбёнай ночы.
 
Каля рачнога рукава –
Ані душы, бы ўсё зьнямела.
Адна трава, як удава,
Глядзіць усьлед нам зразумела.
 
Нам разам трошку меней,
                                                          чым
Агню сугрэўнаму і сьцежцы.
Пра запаветнае маўчым,
Каб не ўракчы агонь начлежны.
 
Глухога берага карма.
Ахоўнай цішаю – сасонка.
I на тваёй руцэ няма
Аберагальнага пярсьцёнка.
 
 
 
 
Падабаецца     Не падабаецца
2009–2020. Беларусь, Менск.