РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Яўгенія Янішчыц
Вершы
Кантэкстны тлумачальны слоўнік
*  *  *
Блізкі шлях праклаўся проста,
Нібы матчына радно.
Бальшакі ідуць, пагосты,
I адхону – не відно.
 
Голас мой, ты сьцежку высьніў,
Як вяртаньне і дакор.
Дзетвара на ўзлобку выспы
Паліць першы свой касьцёр.
 
Бор чарніцамі зачэрнены,
I мадзеюць мурагі.
I ў тумане прадвячэрнім
Кураць люльку берагі.
 
Не існуе сьцежак простых.
Памяць, сьлёз не варушы!
Гэта я іду з пагоста,
З гордай татавай цішы.
 
 
 
 
Падабаецца     Не падабаецца
2009–2020. Беларусь, Менск.