RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Łarysa Hienijuš
Vieršy
Kantekstny tłumačalny słoŭnik
Zabyty abraz
Pryhadaŭsia zabyty abraz.
Ty pabačyŭ mianie pieršy raz,
nie puskaŭ. Z chaciny tvajoj
dzikaj ptuškaj z ruk palacieła,
kab pahnaŭsia kachany za joj,
za dziaŭčynaj, kapryznaju, śmiełaj.
 
Ty dahnaŭ.
                        Dziavočy moj śmiech,
niepakorny, sypaŭsia ŭ śnieh.
 
Voś takoj ty žadaŭ udvaja.
Ja skazała:
– Pakul nie tvaja!
 
Ja naležu narodu majmu,
kryšku vietru, kryšku biarozam,
chłopcu viernamu adnamu,
što zhubiŭ svajo serca i rozum.
 
Ja i zamuž jašče nie chaču,
chaty ŭ połi viatram nia kinu.
Pieršy raz ty takoje pačuŭ
ad viaskovaj viasiołaj dziaŭčyny.
 
Adkazaŭ mnie: – I ja biełarus.
I hłynuŭ na čužynie hora,
i niasu niepasilny toj hruz,
i chaču, kab ty była poruč.
 
Mocna ścisnuŭ maje dałoni...
Nas pavieźłi da šlubu koni.
 
...Chodziać ludzi mianie suciašać.
Ja nia vieru razłučnicy-śmierci.
Zastałasia ž tvaja duša.
Našy dumki ŭ maim tolki sercy.
 
 
 
 
Padabajecca     Nie padabajecca
2009–2020. Biełaruś, Miensk.